Сигурни сме дека секој ден може да одвоите пет минути за вежбање. Пробајте ги овие вежби за затегнување на стомачните мускули и ви гарантираме дека ќе имате поголема самодоверба следниот пат кога ќе го облечете вашиот костим за капење.
1. Наместете се во положба за склекови. Потпрете се со рацете и нозете на подот и наизменично приближувајте го левото и десното колено кон лактите. Важно е да не го подигнувате задникот нагоре туку целото тело да ви биде на иста висина.
2. Легнете на грб, ставете ги рацете на под со дланките свртени кон подот, а нозете подигнати неколку сантиметри од подлогата. Потпирајќи се со рацете на подот подигнете ги нозете кон средината на телото – како да се обидувате да направите свеќа.
3. Легнете на страна, рацете ставете ги на глава, и направете лесни стомачни вежби. Главата подигнете ја и спуштајте ја до висина на градите 30 секунди за секоја страна.
4. Свртете се на страна. Со едната рака (до лактот) потпрете се на подот, а тежината придржувајте ја со испружени стапала. Слободната рака испружете ја над телото, а потоа ставете ја во дупката помеѓу лактот и нозете. Повторувајте ја вежбата 30 секунди за секоја страна.
5. Легнете на подот потпирајќи се на грбот. Испружете ги рацете и нозете. Подигнете го горниот дел од телото од подот така што со рацете ги допирате зглобовите на нозете.
За секоја вежба потребни ви се 60 секунди. Не заборавајте на правилно дишење!
You must be logged in to post a comment Login