Карамел пита со јаболка

Потребни состојки:

• 125 g путер
• 100g шеќер
• 1 јајце
• 250g брашно
• 1-2 полни лажици кисела павлака
• Малку прашок за печиво

За полнење:

• 700 g јаболка
• 200g шеќер
• Кесичка ванилин шеќер
• Цимет по желба
• Сок од 1 лимон

Подготовка:

1. Путерот изматете го и постепено додавајте го шеќерот. Во него измешајте го и јајцето и павлаката, па на крајот оваа смеса соединете ја со брашното и прашокот за печиво. Тестото треба да се одвојува од садот во кој ќе го замесите. Обликувајте топка, замотајте ја во проѕирна фолија и ставете ја во фрижидер додека го подготвите остатокот од рецептот.

2. Јаболката исчистете ги и исечете ги на тенки парчиња. Во тепсијата во која ќе ја печете питата посипајте малку шеќер и рамномерно распоредете го по дното. Врз него распоредете ги јаболката, додајте малку цимет, ванилин шеќер и пропрскајте ги со сокот од лимон. Ставете ги на загреана рингла и загревајте додека шеќерот не се карамелизира. Тргнете од оган и разладете.

3. Извадете го тестото од фрижидер, развлечете го во димензии на тепсијата, па со него покријте ги јаболката, а краевите малку стиснете ги за самиот сад. Питата печете ја на 180 степени околу 20-25 минути. Откако ќе ја извадите ставете крпа врз неа. По 10тина минути претурете ја на чинија за служење.

Важно: Питата сечете ја како торта и секое парче послужете го со шеќер во прав и цимет.