Колач со кафе

Состојки:

120 гр. брашно
1 лажичка екстракт од ванила
400 гр. шеќер
2 лажици инстант кафе
150 гр. чоколадо за готвење
250 гр. путер несолен
1 лажица цимет
1/2 лажичка сол
5 јајца големи

Упатство:

Загрејте ја рерната на 180 степени. Ставете ја решетката на средина. Намастете и ставете малку брашно во правоаголна тава (33 x 23 cm). Во тенџере растопете го путерот, чоколадото и кафето со постојано мешање додека не се изедначи. Тргнете го тенџерчето и оставете да се излади (додека не стане млако). Додадете го шеќерот и екстрактот од ванила и мешајте со жица за матење. Додавајте едно по едно јајце и продолжете со матење, додека не се изедначи смесата. Во друг сад измешајте ги брашното, солта и циметот и со постојано мешање додавајте ја чоколадната смеса. Вака приготвената смеса распоредете ја во тавата за печење и печете околу 25 до 30 минути. Оставете го колачот да се излади и исечете го на коцки (5cm).