Ситни трикови за бришење на замор од лицето

За бришење на заморот од лицето доволно е само неколку едноставни трикови. Ви го откриваме најлесниот пат до свеж и сјаен изглед.

Коректор – Темните кругови околу очите најлесно ќе ги прекриете со помош на коректор. Со коректорот повлеќете тенка линија испод очите, оставете кожата да впие и да се засуши, а потоа нанесете и втор слој (и трет доколку е потребно). Со поголема четкичка за блендање тапкајте околу очите се додека подочниците во потполност не се прикријат и додека ја изедначите со остатокот од кожата.

Руменило – Со право руменило ќе изгледате свежо, одморено и сјајно. Одлучете се за светли нијанси за да направите подобро чувство на одморено и свежо лице.

Светла сенка – Малку светкава бела сенка нанесете на внатрешните агли на очите. Рефлексијата на светлоста на внатрешните агли на очите ќе направи да изгледате одморено.