Со пристигнување на летото значи дека зад нас ги оставаме тешките кармини и почнуваме да употребуваме лесни, нежни и разиграни бои на сјаеви за усни.Сјајот изгледа одлично на устата. Покрај тоа што ја прави да изгледа пополна, во исто време ја хидрира и негува. Тој е омилениот козметички производ во несесерот на многу жени, но има и една мана – кратко трае на устата и лесно се размачкува. Еве неколку совети со кои лесно ќе го поминете овој проблем.
Молив за уста – Пред нанесување на сјајот на устата, направете рамка на усната со молив со боја на сјајот. Со моливот нанесете на средината на устата и размачкајте. На овој начин усните ќе бидат спремни за сјај, кој ќе го направи постојан и ќе го спречи размачкувањето. Покрај тоа, усните ќе изгледаат пополни.
Кармин во молив – Не е типичен кармин, туку производ кој е мешавина на молив и кармин. Обично е со интезивиран пигмент од карминот и густа текстура. Ако карминот во молив го нанесете пред сјајот, неговата сува текстура ќе го апсорбира сјајот. Ќе добиете интезивна боја на усната, а сјајот ќе направи усните да изгледаат полни.
Кармин – Понекогаш и кармините би требало да бидат долготрајни и постојани, но сепак тие не овозможуваат таков ефект. Со тоа комбинација од кармин и сјај е одлично решение. Нанесете сјај преку карминот за бојата да биде поинтензивна и постојана.
You must be logged in to post a comment Login