По завршувањето на првата сезона на „True Detective“, серијата која со својата популарност ја наследи „Breaking Bad“, познати актерски имиња се очекуваат и во новите епизоди, пишуваат американските медиуми.
Откако на 9-ти март беше прикажана последната епизода од првата сезона на споменатата серија, во која Метју МекКонахи и Вуди Харлсон глумеа навистина одлично, се појавија претпоставки кои личности ќе ја сочинуваат актерската постава во втората сезона.
Поради високите критериуми, обожавателите повторно очекуваат актери од А-листата, пишува Showbizspy.
Во холивудските кулоари често се зборува за Бред Пит.
„Неговото име беше спомнато неколку пати, прашање е само кои се неговите преостанати актерски обврски“. Бидејќи серијата моментално е проект во кој, поради комплексноста и големата популарност, секој глумец би сакал да учествува, се очекува на кастингот да има голема гужва.
Досега сѐ уште не е потврдено дали Бред Пит ќе заигра во втората сезона на популарната серија.
You must be logged in to post a comment Login