Многумина се прашуваат зошто луѓето и понатаму пушат кога се запознаени со опасностите кои ги носат цигарите. Канадските научници имаат одговор на ова прашање.
Истражувањето во Канада открива дека мозокот на пушачите подобро реагира на фотографиите со цигари и пушење, отколку на фотографиите со негативните последици од пушењето.
На Универзитетот во Монтреал биле организирани фокус групи помеѓу хроничните пушачи за да се испита како реагираат на фотографии поврзани со тутунот. Испитувањето резултирало со различни емотивни реакции.
“Мозокот на пушачите подобро реагира на фотографиите со цигари, отколку на сликите кои би требало да ги поттикнат да престанат со пушење”, објаснува авторката на студијата Le-Anh Dinh-Williams. Таа додава повеќе фактори кои влијаат да се престане со пушење, но студијата покажува дека мозокот е во заблуда и сам себе си отежнува.
Откриено е дека деловите на мозокот поврзани со мотивација се поактивни кај хроничните пушачи кога гледаат креативни фотографии со цигари, а помалку активни кога пушачите ги гледаат негативните последици од пушењето.
You must be logged in to post a comment Login