Студиото DearmWorks планира да отвори тематски парк инспириран од анимираниот серијал за зелениот џин, а исто така се шушка и дека ќе започне снимањето на петото продолжение.
Холивудското студио DreamWordk планира да се здружи заедно со британската компанија која е задолжена за лондонските атракции како што е познатата London Eye, со цел да направи тематски парк во престолнината.
Планирано е паркот да се отвори во 2015 година, а во него ќе се претстават сите четири продолженија од оваа анимирана сага за мрзоволниот зелен џин кој до сега има заработено 3.5 милијарди долари.
“Посетителите на паркот кој ќе се простира на повеќе од 20 илјади квадратни метри, ќе можат да го запознаат Шрек како и сите негови пријатели од мочуриштето. Покрај овие ликови во паркот ќе се најдат и ликовите од Мадагаска, Кинг Фу Панда и Како да го дресирате својот змеј“, изјави претставник од студиото.
Атракцијата ќе има одлична позиција, веднаш покрај London Eye и лондонскиот аквариум.
Ова ќе биде прв од вкупно планираните шест тематски паркови. Останатите пет е планирано да се завршат до 2023 година лоцирани на различни делови во светот.
You must be logged in to post a comment Login