Услугата на бабите и дедовците повторно стана популарна, и во Велика Британија се повеќе баби посетуваат училиште за родители, за да бидат во тек со новите методи на одгледување децата.
Бабите и дедовците често се ангажирани во одгледувањето на внуците, а најчестите причини се скапите градинки и финансиската криза која ги принудува родителите да работат.
Сепак, повеќето од нив со пелени и хранење на децата се бавеле пред 20 до 30 години.
Освен со недостатокот на енергија во нивните подоцнежни години, бабите и дедовците се соочуваат и со нови начини на одгледувањето на децата. Тоа се главно прашања поврзани со позиција во која бебето спие, кога се воведува друга храна во исхраната на бебињата, дали на децата им е потребна посебена паста за заби и така натаму.
Решение за сите грижи околу одгледувањето на внуците, бабите го пронајдоа во училиштата за родители, заедно да присуствуваат со младите мајки. Како интересот е се поголем, во здравствените центри и другите здравствени установи во Велика Британија размислуваат за отварање на посебни групи за бабите и дедовците.
You must be logged in to post a comment Login