Кога не се чувствуваш добро, не се чувствуваш добро. Тоа е така и нема што да објаснуваме глупости од типот дека за инает на емоциите, човек треба да се насмевне. Напротив – тие треба да се доживеат, да се пуштат на слобода, а не да се негуваат длабоко, длабоко…
Но! Вистината е дека дури и во најтажните моменти има нешто позитивно. Обично тоа се лекциите кои ги учиме. Бидејќи страдањето е дефинитивно најдоброто школо кое го учиме! Дури и да не ви се верува, сепак, тагата има и уште позитивни страни. Еве некои од нив…
Ја подобрува меморијата
Излегува дека кога сме тажни, нашите сеќавања за она што ни се случило и нашата околина се многу по-детални.
Ни помага да превземеме подетални одлуки
Друго е кога животот ќе ти удри еден убав шамар! Тогаш сакаш-несакаш се отрезнуваш и почнуваш да мислиш порационално. Докажано е дека под влијание на доброто расположение луѓето оставаат на своите предрасуди да ги водат во донесување на одлуките.
Ја намалува наивноста
Веројатноста да бидат измамени и заведени е помала за луѓето кои се тажни или разочарани.
Ја зголемува учтивоста
Според едно истражување, луѓето кои штотуку гледале тажен филм, се повеќе склони кон учтивост од останатите.
Ја зголемува мотивацијата
Ја знаете приказната дека кога сте на дното, нема друг пат освен нагоре. Понекогаш нема посилен мотиватор да успееш од неуспехот, разочарувањето и тагата. Тагата многу често не оттргнува од удобната зона и не тера да сватиме дека треба да се дејствува, ако сакаме да промениме нешто во нашиот живот.
You must be logged in to post a comment Login