Лето е и сите ние сакаме да се чувствуваме совршено во својата кожа. Меѓу грижата за телото, сепак, се чини дека, онаа за петите останува во заден план. Стапалата се без масни клетки и нивната кожа, лишена од внимание, особено во летните месеци, најлесно напукнува, се суши и станува груба. А за да ја задржиме мека и нежна не е воопшто тешко, пријатно е и лесно, а ефектот – неверојатен!
Топла бања со млеко и сол
Во легенче додадете топло млеко, 3 лажици кујнска сол и малку шампон. Нозете се потопуваат околу 20 минути, а потоа со помош на камен за пети се отстранува грубата кожа.
Топла бања со камилица и невен
Одличен омекнувачки и мазен ефект има топлата бања со камилица и невен. Во 1 литар врела вода додадете 4-5 лажици од билките. Оставете да отстои околу 5 минути. Откако ќе се излади, потопете ги стапалата во легенот. Доволни се 20 минути за да почувствувате кадифена мекост и нежност.
Пилинг маска со кафе и маслиново масло
Талогот од кафе се меша со маслиновото масло и со нежни движења добиената смеса се нанесува на стапалата. Петите се тријат со камен и се мачкаат со крема. Маската се нанесува на влажна кожа.
Бања со бело вино
Белото вино има исклучително навлажнувачки ефект. Кон 200мл бело вино додадете 1 лажица цвет од липа во прав. Сместа оставете ја да зоврие. Откако ќе се излади, потопете ги стапалата во неа за околу 10 минути.
Маслиново масло и еукалиптус за мазни пети
За да се секогаш мазни и нежни, вашите пети, не заборавајте по секоја бања да втриете загреано маслиново масло и да ги масирате во насока кон прстите. Маслото од еукалиптус пак ќе ја активира циркулацијата и ќе ја направи кожата на петите мека како на бебе.
Домашен крем со етерични масла
Исклучително лесно и брзо во домашни услови може да направите крем за меки пети на следниов начин:
На 10гр бебешки крем за тело додадете 4-5 капки масло од лаванда и камилица.Овој еликсир тријте го на стапалата по секоја бања со енергична масажа на влажна кожа.
You must be logged in to post a comment Login