Иако неверството е едно од најголемите убици на бракот и тешко му паѓа на изневерениот партнер, тоа не мора со сигурност да значи и крај на бракот.
Резултатите од неодамнешното истражување откриле дека постои начин на кој може да се спаси бракот по неверството, а одговорот е многу едноставен – признавањето.
Универзитетите во Вашингтон и Калифорнија спровеле истражување во кое учествувале 134 парови, а воочено е дека бракот успеале да го зачуваат оние кај кои вистината излегла на виделина. Од друга страна, паровите кои имале афера не издржале и на крајот се развеле.
“Кога еден од партнерите ќе го признае неверството, доаѓа до тешка ситуација, но се покажало дека по првобитниот шок паровите се спремни да поработат на зачувување на бракот.
На крајот тоа и се случува”, велат научниците.
Тие нагласуваат дека неверството не мора да го оконча бракот доколку партнерот кој изневерил ја признае вистината, бидејќи со тоа изневерениот добива одредено почитување, особено доколку се покаже и каење. Обично во тие околности паровите сами на себе си даваат уште една шанса, што најчесто се покажува како успешно.
You must be logged in to post a comment Login