Сигурно на сите им е убаво да гледаат заљубени луѓе, доколку не спаѓаат во група на луѓе кои презираат сè што искажува љубов поради сопствените љубовни неуспеси. Во секој случај, дури и на оние со најмеко срце, некои парови може да им го уништат денот. Проверете дали спаѓате меѓу нив.
1. Постојано комуницирате кога сте раздвоени
Нон-стоп си испраќате смс пораки или се слушате на телефон кога не сте еден покрај друг. А кога не зборувате меѓусебно, на другите им зборувате за вашата врска.
2. Носите иста облека
Особено иритантно е кога паровите носат иста боја на облека, дури и кога тоа го прават потсвесно.
3. Ти премина во “ние”
Нема шанси луѓето да ве гледаат одвоено. Исклучиво сте “ние” и сè правите заедно. Ако некој повика еден од вас, ќе се појавите и двајцата. Ако некој довери тајна на еден од вас, автоматски ја знаат двајцата.
4. Користење на деминутив
Се обраќате еден на друг имитирајќи повишени детски гласови и се обраќате еден кон друг во деминутив. Ова е навистина глупаво и ги иритира сите околу вас.
5. Си испраќате смс пораки додека сте во иста просторија
Во друштво сте, седите еден до друг и си испраќате смс пораки. Зошто?
6. Постојано си разменувате нежности во јавност
Бакнеж или два, прегрнување во јавноста е во ред. Можете да се држете за раце, и тоа е прифатливо. Но не е пријатно постојано да се “шлапате” пред другите.
7. Си правите “inside” шеги
Никој не разбира зошто се смеете бидејќи постојано разменувате некои шеги кои ви значат само вас двата.
8. Претерувате со слатките прекари
Крофничке, мече, сонце, цвеќенце – НЕ! Таквите прекари на сите им предизвикуваат мачнина во стомакот.
You must be logged in to post a comment Login