Roberto Cavalli со кампањата за пролет / лето 2016

Овие денови, имаме можност да се запознаеме со трендовите кои ќе ја обележат претстојната модна сезона. Како и секогаш, модните куќи даваат се од себе за да го задржат нашето целосно внимание.

Брендот, кој се приклучи на оние кои веќе дадоа увид за нивната визија за пролет / лето 2016, Roberto Cavalli, ја претстави својата нова кампања, прва откако дизајнерот Peter Dundas е поставен на челната позиција.

Заштитно лице на нивната нова кампања е ултра-популарниот модел Edi Kembel, која колекцијата ја претстави со одредена доза на рокенрол вибрации, тесни панталони со висок струк и  блузи кои паѓаат преку  рамо. Таа делумно потсетува на женска реинкарнација на феноменалниот мултидимензионален уметник David Bowie.