Капут кој менува бои

Александар Ванг дизајнираше капут кој менува бои во зависност од температурата на која се наоѓа.

На прв поглед, капутот изгледа обично и неутрално во зелено-кафена нијанса во која е направен. Меѓутоа, кога на повисоки температури ќе стане жолт, бел, син или виолетов, капутот е се само не обичен и неприметлив.

Секако, поради материјалот кој е осетлив на топлина од кој е направен, овој капут чини мало богатство – дури 2.900 евра.

Покрај капутот, Ванг дизајнираше и здолниште и маичка од истиот материјал, кои чинат околу 1.600 евра, како дел од неговата нова колекција.