Како вистински борец кој не се откажува и се бори до крај, Georgia успеа да си го обезбеди своето место во модната индустрија. Затоа и не треба да нѐ чуди одлуката на американскиот дизајнер Marc Jacobs, кој на оваа платинеста убавица ѝ ја додели главната улога во неговата најнова кампања.
Деветнаесетгодишната ќерка на манекенката Jerry Hall и фронтменот на The Rolling Stones, Mick, во кампањата на Jacobs ја користи својата природна и егзотична убавина, за да собере пари заедно со славниот дизајнер за организацијата „Fashion Targets Breast Cancer“.
Симпатичната Georgia рекламира весели, откачени торби носејќи црвено-бели боксерски ракавици. Приходот од продажбата на торбите кои се во лимитиран тираж е наменет за фондот на „Fashion Targets Breast Cancer“.
„ За жал, кога сестрата близначка на мајка ми, тетка Terry, заболе од рак во 1998 г., имав прилика да видам колку оваа страшна болест влијае на целото семејство, и колкава поддршка ѝ е потребна на заболената личност, но исто така и адекватна нега и терапија. Подоцна и дедо ми умре од рак…“, објаснува Georgia.
Девојката која се занимава со манекенство уште од 16 години (првата ревија ја имала за Vivienne Westwood) и која обожува да вежба Тai Chi, не можела да биде подобар избор за кампањата „Fight like a girl“.
You must be logged in to post a comment Login