Дали сакате нешто различно од пастелните нијанси или црно-белите класични комбинации? Инспирирајте се овде!
Иако не можеме да негираме дека целосно црниот аутфит е лесна и безболна варијатна, животот е позабавен кога во него ќе внесете малку боја. Токму затоа, оваа пролет не можеме да ги тргнеме очите од живите бои кои ги окупираат орманите на светските трендсетерки. Силна розова, златно жолта, богата индиго и разиграна виолетова, ова се нијансите кои дефинитивно ќе ве ослободат од зимското сивило и ќе придонесат кон насмевката на вашето, но и на лицето на сите кои ќе ве забележат.
Силна розова
Пастелната розова беше најпопуларна боја минатата година, и сè уште е актуелна. Но, ако сакате нештo ново, одберете моќна електрично розова. Зборуваме за скоро флуросцентна Барби боја која сигурно сте ја обожавале како мали.
Златно жолта
Златно жолтата е посебна боја која е нешто помеѓу пригушена сенф-боја и боја на сончева банана. Жива е, но не толку многу што ќе ви ги замори очите, што ја прави совршена боја за пролетта. На спектарот за емоции што боите ги предизвикуваат, златно жолтата ја претставува среќата.
Богата индиго
Тексасот никогаш нема да излезе од мода, што значи дека индигото (и нијансите на индиго) секогаш ќе бидат тренди. Оваа пролет, носете и темни, и светли нијанси индиго, а најдобриот дел – можете да ги комбинирате меѓусебно.
Разиграна виолетова
Виолетовата има променлив став во модата – честопати е одбегнувана и се смета за непопуларна. Но, виолетовата со сини подтонови изгледа интересно и мистично, па неочекувано, таа станува новата возбудлива боја за оваа пролет.
You must be logged in to post a comment Login