Со менување на модните сезони и трендови, секогаш слушате и нови, различни совети, но следниве 10 правила важат веќе со години и се користат во секоја прилика:
1. Купувајте квалитетна облека во неутрални бои. На тој начин ќе ја носите повеќе сезони и ќе може да ја комбинирате во многу прилики.
2. Носете го само она што добро ви стои. Понекогаш е паметно да ги игнорирате трендовите и да се облекувате во алишта во кои се чувствувате удобно.
3. Намалете го бројот на алишта што ги носите. Кога е во прашање шкафот, не е ниту неопходно, ниту подобро да имате повеќе.
4. Немојте да паднете на трикот „распродажба“. Ако за некое парче облека не сте подготвени да ја платите неговата цела цена, во вашата гардероба веројатно нема да вреди ни онолку колку што ве чинело на намалување.
5. Купете нешто што има животински принт. Гепард, змиска кожа и слични шари секогаш изгледаат шик, ако ги користите умерено.
6. Инвестирајте во добри модни додатоци.
7. Покажете ги своите најдобри страни, било да е тоа деколтето, слабите нозе или нешто трето.
8. Додадете малку боја. Иако вашата гардероба ќе се темели на неутрални бои, потребни ви се и парчиња во весели нијанси за да го „подкренете“ вашиот изглед.
9. Ако не сте сигурни, средете се. Кога не знаете како очекуваат да бидете облечени на некој настан, секогаш е подобро да се појавите цакум-пакум.
10. Направете добри темели. Кога сте задоволни со темелните парчиња облека (фармерките, деловните пантолони, здолништето, капутот, чевлите и сл.), тогаш со леснотија ќе ја комбинирате и преостанатата облека.
You must be logged in to post a comment Login