Сосема неочекувано: Знаете ли кој е најпопуларниот ден за изневерување?

Мислите дека изневерувањето најчесто се случува за време на викендите? Грешите, аферите се резервирани за средината на неделата!

Контроверзниот сајт AshleyMadison.com, кој служи за пронаоѓање на партнер за афера, спроведе една интересна студија во која учествувале 172.000 испитаници. Резултатите покажаа дека среда е најпопуларниот ден за изневерување.

Интернет сервисот ги праша своите корисници кој е денот и времето во кој изневеруваат. Резултатите покажаа дека најчест одговор е среда, а омилен период помеѓу 17 и 19 часот. Овие резултати во целост ги изненадија сите, бидејќи се работи за ден во средината на неделата.

Како што веќе покажаа некои претходни истражувања, изневерувањето станува се почеста појава меѓу луѓето кои се во долги врски и бракови. Социолозите сметаат дека се случува социјална промена во која мамењето малку по малку станува прифатливо однесување во друштвото.