Секој квадратен метар од оваа мегалуксузна вила е заработен поштено: Со пуштање на музика

Без разлика со што се занимава, човекот кој напорно работи и пристојно заработува сака себеси да си дозволи нешто убаво. За некого тоа е нов часовник, убаво парче накит, или егзотичен одмор, а шведскиот DJ Tim Bergling, професионално познат како Avicii, се наградил сам себе со раскошна куќа во Лос Анџелес, вредна 15 милиони долари.

Куќата е сместена на стрмен рид над најубавиот дел од Sunset Boulevard, на улицата Blue Jay Way и има 7.007 квадратни метри, шест спални соби и седум тоалети, панорамски поглед од кој застанува здивот.

Tim Bergling располага со богатство кое се проценува на 30 милиони долари, што значи дека оваа убавина го чинела половина од богатството, но сигурно си мисли –  нема подобар начин да се потрошат парите за дом во кој ќе живеете.