Со производството на овие кукли Николај Лам сакал да докаже дека не морате да имате нереална фигура да можете да бидете убави. Покрај реалните барбики, многу родители и деца барале од него да направи кукли со нормални пропорции.
Што би се случило доколку куклата кои ја користат во модната индустрија би ја направиле според просечно женско тело, се прашувал Николај Лам кој се прославил со Барбиката со реални пропорции.
Иако е маж, инспирација пронашол со лично искуство кога во средно школо посакал да го достигне физичкиот идеал – плочки на стомакот. По неколкумесечно и изгладнување успеал да ја оствари целта, добил плочки, но не го достигнал посакуваниот ефект, бидејки образите му се смалиле и изгледал многу страшно.
Поучен од своето доживување, со правењето на кукли посакал да докаже дека не мора да имате нереална фигура да бидете убави. Исто така, тој налетал на многу позитивни коментари на интернет за овие кукли така да одлучил да се пушти во таа работа. Со 3Д моделирање ја направил Ламила, за која го осмислил нејзиното лице, коса и гардеробата како би изгледала како слатката девојка од соседството.Ако жените со просечни пропорции изгледаат убаво, нема причина зошто куклите да не изгледаат исто така.
Ламила е замислена како забавна кукла за која децата ќе си играат затоа што тие така сакаат, а не поради тоа што родителите ги присилуваат. Таа не е направена да замени некоја друга позната кукла, туку да им прави друштво.
httpv://www.youtube.com/watch?v=cVv-kmX6UOQ
You must be logged in to post a comment Login