Британската компанија направи анимација која, забрзана 1.440 пати во однос на реалното време, ги покажува сите летови над Европа во еден ден.
НАТС, водечка британска компанија која се занимава со контрола на летови, објави видеоанимација која илустрира како во текот на еден ден изгледа воздушниот простор над Европа.
Собирајќи ги сите податоци за летовите на територијата на Европа, програмерите исцртаа и анимираа рута на секој лет поединечно. Мотив за оваа анимација, компанијата пронајде во потребата да им укаже на луѓето на одговорност и озбилност на работата која ја вршат.
– Воздушниот простор е невидлива инфраструктура, но важна е исто колку и онаа видливата, како што се патиштата и железницата – наведе НАТС на својот блог.
На пример, кога ќе се направи пресек на еден просечен јулски ден, бројот на летовите изнесува дури 30.000, од кои четвртина минува низ воздушниот простор на Велика Бртанија.
Околу 46 милиони километри дневно, колку што изнесува поминатиот пат на сите овие летови, се приближно 998 обиколувања на целата Земја и 104 патувања до Месечината.
You must be logged in to post a comment Login