Што е подобро: Да живеете во изнајмен стан или да се задолжите и вдомите, односно како што се вели, “да бидете свој на свое”, иако подобро да кажеме “да бидете свој на банката”? И едното и другото има свои предности и мани, а ние ви носиме еден поглед на новинарка која е многу среќна што нема свој стан.
Во Западна Европа, пазарот за изнајмување и домување е многу подобро регулиран отколку во Хрватска, но полека работите се менуваат. Кризата на која не и се гледа крајот и масовната невработеност го уништи пазарот на недвижности. Иако многу луѓе сонуваат да купат стан, изнајмувањето има свои предности. На пример, новинарката на британскиот Гардијан, Лаура Кеј е многу задоволна што е дел од “генерацијата потстанар”, како што таа се нарекува. Со својата девојка живе во мал стан во Шефилд во Велика Британија и се надева дека еден ден ќе изнајмува поголем стан, но на купување не ни помислува.
Страв од поправки
Изнајмувањето станови има свои предности, вели таа, а една е што не живее во срав дека нешто ќе се расипе. Во нејзиното искуство со изнајмување, повеќе пати и се случило да и се расипе бојлер, машина за перење, печка… Покрај тоа што сфатила дека препаратите за домакинство не ја сакаат, сфатила и дека нивните поправки се скапи и дека со својата плата не би можела да поправа или да купува нови. А додека нема свој стан, не ни има потреба.
Слобода на релокација
Ако и текне да се пресели во друг град или друга држава, се што треба да направи е тоа да го најави на сопственикот еден месец претходно. Нема продажба, акенции за недвижности, расправии… “Да не си врзан за едно место е еднакво ослободување како, сопственост на имот, делува смирувачки и стабилно. Нету едно не е подобро од другото, но двете имаат свои предности”, вели Кеј.
Цимери
Делењето на својот животен простор може да ве излуди, а може и да биде најзабавно искуство кое сте го имале во животот. Преговарање за утринското користење на бањата, договор за фрлање на ѓубрето, чистење и се останато се одлична вежба за толеранција и создавање компромис, а може да го подобри и пријателството подобро од било какво дружење.
“Изгубена генерација”
Денес младите често се дефинираат како “изгубена генерација”, која не може да најде работа и која не може да си дозволи домување, па живеат со родителите. Кеј не се сложува –тврди дека припаѓа на генерација која може да се носи со својата ситуација и да ја издржи, а истакнува и дека постојат и полоши работи од тоа да не поседувате четири ѕида: Можете, на пример, да бидете членови на “Генерација чума “.
