• Сподели на:

Турски крофни

___

Состојки:

За сирупот:

400гр. шеќер

350мл. Вода

1 лажица лимонов сок

За крофните:

220гр. брашно

1 лажица путер

½ лажичка сол

10гр. квасец и

330мл. Вода

Плус: 500мл. Масло, 250мл. Ладна вода, 1 лажичка цимет и 250мл. Крем

Подготовка:

Варете го шеќерот во водата заедно со лимоновиот сок на умерен оган, со постојано мешање се додека не се растопи. Оставете го сирупот да врие 10 минути без мешање, па тргнете го од оган и оставете го да се олади. Брашното измешајте го со растопениот путер и солта. Квасецот растворете го во водата и додајте го на брашното. Добиеното тесто оставете го на топло место околу 20 минути. Загрејте го маслото, па намалете ја температурата до умерена. Со лажица земајте од смесата и спуштајте крофни во врелото масло. Пржете ги се додека не нараснат и вадете ги од маслото додека се бели. Потоа пржете ги одново во истото масло се додека не заруменат. Една четвртина од крофните спуштете ги во сирупот и оставете ги 10 минути да го апсорбираат. Повторете го истото со сите крофни, а потоа прелијте ги со останатиот сируп. Посипете ги со цимет сервирајте ги со изматен крем.


Оставете коментар

___