• Сподели на:

Супа со кромид

___

Состојки:

2 лажици брашно
1 чаша бело вино
0,5 лажичка бибер
250 гр. кашкавал
50 гр. путер
1 лажичка сол
1 лажичка мајчина душица
1 кг. кромид сецкан на полумесечинки
1 коцка за супа говедска
1 француски багет
пармезан

Подготовка:

Се растопува путерот со неколку лажици масло во тенџере. Се додава сецканиот кромид, солта и мајчината душица и се готви 45 минути над умерена топлина со често мешање додека кромидот не омекне и добие светло кафена боја. Се додава брашното и се готви една минута со постојано мешање. Се додава виното и се продолжува со мешање 2 минути. Се раствора коцката за супа во еден литар вода и се додава на кромидот заедно со биберот. Се продолжува со готвење околу 30-тина минути со повремено мешање. Во меѓувреме се потпекуваат парчињата леб од двете страни. Се распоредува супата во огноотпорни садови. Одозгора се додаваат парчињата багет, а над нив се додава рендан кашкавал и пармезан. Во загреана рерна на 200 °C се потпекува супата додека не се растопи кашкавалот.


Оставете коментар

___