Состојки:
* 1 чаша сок од јаболко
* 250 гр. исечкани јаболка
* 2 лажици пченкарно брашно
* 1/2 чаша суво грозје
* 3 лажици шеќер
* 1 лажичка цимет
* 1/3 мелени ореви
* 4 листови кори
* 50 гр. путер
* 3 лажици лебни трошки
* шеќер во прав за декорација
Подготовка:
Во еден сад измешајте ги пченкарното брашно и половина чаша сок од јаболко. Во тенџере на средна топлина гответе ги околу 10 минути сечканите јаболка, преостанатиот сок, сувото грозје, шеќерот и циметот. Додадете ја смесата со пченкарно брашно. Мешајте се додека смесата не се изедначи и нема грутки.
Оставете ја проврие 1 минута и додадете ги оревите, промешајте и оставете малку да се олади.
На рамна површина ставете една кора, премачкајте ја со стопен путер и посипете ја со лебни трошки. Повторете ја постапката на уште две кори, наредени една над друга. На 4-тата кора ставете од смесата со јаболка.
Свиткајте ги корите како ролат и премачкајте ги со путер.
Штрудлата печете ја околу 20 минути на 150°C. Пред да ја послужите оставете ја малку да се излади, а потоа посипете ја со шеќер во прав.
You must be logged in to post a comment Login