Состојки:
220 гр. лебни трошки
¼ лажичка сол
¼ лажичка бибер
1 лажичка сув магдонос
250 гр. моцарела сирење
1 јајце
100 гр. брашно
масло за пржење
Прелив
150 гр. мајонез
25 гр. кечап
¼ лажичка босилек
¼ лажичка оригано
2 лажици бело вино
½ лажичка сенф
Постапка
Во еден сад измешајте ги лебните трошки со сол, бибер и сув магдонос. Во друг сад изматете го јајцето. Моцарела сирењето исечете го на околу 16 стапчиња. Панирајте ги стапчињата во брашно, јајце и на крај во лебни трошки. Потребно е стапчињата да се целосно обложени со смесата за панирање. Наредете ги панираните стапчиња во еден сад и ставете ги во замрзнувач најмалку половина час.
Загрејте масло во тава на среден оган. Ако имате фритеза можете да ја употребите за пржењето. Извадете ги Моцарела стапчињата од замрзнувач и веднаш пржете ги. Кога ќе добијат златно жолта боја, по околу 2-3 минути вадете ги внимателно на чинија обложена со хартиена салфета. Послужете ги топли со прелив по желба.
You must be logged in to post a comment Login