Лазањи со песто

Состојки

10-20* свежи или суви листови лазања (*во зависност од големината)

Песто: 

85 г пармезан, исецкан на парчиња

1-1/2 шолја свеж босилок

1 главица лук

¼ шолја индиски оревчиња

½ шолја маслиново масло

Бешамел:

¼ шолја путер

¼ шолја брашно

2 шолји млеко

1 коцка бујон од зеленчук

малку рендано мускатно оревче (по вкус)

¼ лажица мелен бел бибер

Меѓу слоевите и на врвот:

1 шолја рендан пармезан

1 шолја изделкана моцарела

1 лажица суво оригано

Подготовка

Песто:

Ставете ги парчињата пармезан во блендер, и кога ќе добиете еднаква смеса додадете ги босилокот, лукот и индиските оревчиња. Потоа додадете го маслиновото масло.

Бешамел:

Во тава за готвење растопете го путерот на тивок оган. Додадете го брашното и мешајте неколку минути. Додадете ја коцката бујон и мешајте додека не се растопи. Полека додадете една третина од млекото, притоа мешајки го постојано. Додадете ги биберот и мускатното оревче. Потоа додадете уште една третина од млекото, мешајте за масата да се изедачи, и на крај додадете ја и последната третина од млекото. Префрлете го во огноотпорен сад и оставете да се олади.

Редење на лазањите:

Загрејте ја рерната на 180 степени. Ставете 1/3 шолја бешамел на дното од тавата за печење. Ставете го првиот лист лазања. Додадете го пестото, а врз него ставете бешамел. Потоа со рака наросете пармезан и ставете нов лист лазања. Продолжете со истата постапка се додека не ги потрошите листовите лазања. На крај ставете повторно од бешамел сосот, наросете пармезан и потоа ставете ја моцарелата. Одозгора ставете го ориганото.

Печете под фолија, во зависност од листови лазања, 1 час за суви лазањи и 20 минути за свежи. При крај отстранете ја фолијата за да добиете златна боја. Сервирајте по 15 минути.