По интензивното реновирање, Glenapp замокот кој се наоѓа во Шкотска , во јужен Ејршар , повторно ги отвори вратите за своите посетители, љубители на патувањата. Замокот навистина изгледа како да е од некоја бајка.
Ова високо и ценето место, токму поради својот нереален изглед и животната средина што го прави да се чуствувате како во бајка, има атмосфера која ќе ве импресионира и шармира на прв поглед.
Величествените кули и ѕидовите на замокот Glenapp сведочи за неговата богата историја, изграден е во 1870 година, а денес овој замок е прекрасен хотел, едно од најимпресивните одмаралишта во Шкотска. Опкружен е со зеленло, прекрасни пејсажи , многу мочуришта…
Убавата градина, луксузните терени за голф, 17 луксузни соби- апартмани, со поглед на Ирското Море и на островот Аран, се само мал дел од луксузот кој Ве очекува доколку ја посетите оваа дестинација. Не постојат зборови со кои би можела да се опише оваа бајка.
Кога би биле сместени во некој од луксузните апартмани на овој замок, ќе можете да уживате покрај каминот , целосно да се опуштите и да уживате во убавините. Високите ѕидови, разните антиквитети околу Вас, викторијанските прозорци , ќе ви овозможат да се чуствувате како крал или кралица од бајките.
Во рамките на замокот, се наоѓа ресторан со знакот на Мишелин ѕвездичка, кој има мени на кое се наоѓаат разни традиционални јадења, можете да вечерате во прекрасен амбиент во трпезаријата и да се чуствувате навистина како крал.
Ние Ви го препорачуваме ова место барем еднаш да го посетите, да уживате во неговите убавини, максимално да се релаксирате, да ги наполните батериите за Вашето следно патување.
Погледнете го видеото и ќе останете без зборови.
You must be logged in to post a comment Login