Породување пред камера: „ Не гледам ништо лошо во тоа“

Бившата Плејбој зајчица Кендра Вилкинсон одлучила да се породи пред камерите.

Иако се навикнавме на неа да гледаме баш сè, сепак не очекувавме дека бившата зајчица ќе одлучи породувањето да го сподели со своите фанови.

Всушност, таа сакала своите фанови да ги остави без текст и вели дека тоа ќе и успее само ако го сними породувањето.

Откако одлучи да продолжи со нејзиното шоу „Kendra on Top“, зајчицата одлучила да го снима породувањето кое ќе го направи со царски рез.

„Не гледам ништо лошо во тоа да се породите пред камера. Планирам царски рез, така што ќе видите многу крв и постелката, сè…“ изјавила Кендра низ смеа.

Кендра го очекува своето второ дете со сопругот Хенк Баскет со кого има четиригодишен син. Зајчицата открива дека за второто дете, кое ќе биде женско е многу поподготвена.