Научниците со години се обидуваат да откријат зошто одредени луѓе полесно ја одржуваат својата телесна тежина, а новите сознанија покажуваат дека можеби тајната се крие во плунката.
Истражувачите пронашле ген кој овозможува побрзо разградување на јаглехидратите, а познато е дека поради нив луѓето повеќе се дебелеат. Генот е наречен Аткинс, според авторот на познатата диета, а службеното име му е AMY1.
Генот го сочинува ензимот кој се наоѓа во плунката и кој почнува да ги разградува и вари скробните намирници, како што се чипсот и оризот. Истражувањето покажало дека послаби се оние луѓе кои имаат повеќе копии од генот, а со самото тоа и поголема количина од споменатиот ензим.
Иако е нормално гените да бидат во пар, некои луѓе имаат само една копија од генот, а други имаат две, три, па дури и повеќе копии. Во случајот на генот AMY1, можно е да има и до 20 примероци.
„Nature Genetics“ пренесува дека луѓето со помалку копии од овој ген, потешко ги разградуваат јаглехидратите и затоа се посклони кон дебелеење. Иако не е сосем јасно на кој начин делува, една од можностите е дека несварениот скроб е храна за цревните бактерии, па затоа луѓето потешко слабеат.
