Што да направите доколку крлеж се зачврстил за вашата кожа?

Одстранување на крлежот е најважната превентивна мерка доколку тој се зачврстил на вашата кожа. Важно е да го одстраните што побргу – колку подолго крлежот стои на вашата кожа, толку поголем е ризикот од инфекција. Добро е да се знае дека откако крлежот ќе дојде до вашето тело, околу 6 часа бара место да се храни, некое време ја буши кожата, па потребно е најмалку 10 часа да цица како би се заразиле. Тоа укажува дека има време да се делува пред тој да ја пренесе заразата. Крлежот е полесно да се одстрани во првите неколку часови. Потребно е да се одстрани целиот, заедно со хипостомот со кој се држи во кожата.