Грејпфрутот е одличен извор на хранливи состојки и фитохемикалии, изобилува со витамин Ц, антиоксидант и други состојки кои помагаат во избалансираната исхрана. Познат е и по своето антимикробско дејство, а во 100 грама содржи минимални калории (33).
Грејпфрутот е погоден за секој вид на диета, а доколку од него се направи напивка добивате вистинска витаминска бомба која помага во детоксикацијата на организмот, а ги отстранува и наталожените масти. Грејпфрутот помага во слабеењето бидејќи маснотиите ги претвора во енергија.
За да ја подготвите напивката од грејпфрут потребно е – 1 литар вода, 1 грејпфрут, 1 мандарина, 1 краставица, 6 ливчиња нане.
Подготовка
Добро измите ја краставицата а потоа сосе кората исечкајте ја на мали парчиња или кругови. Грејпфрутот и мандарината излупте ги и разделете ги на кришки.
Во голем стаклен сад со широко грло ставете ги сите состојки. Потоа, претурете ја во садот водата. Оставете ја водата со овошјето и зеленчукот во фрижидер преку целата ноќ. Следното утро напивката помешајте ја и пијте од неа во текот на денот.
You must be logged in to post a comment Login