Доаѓа летото и неизбежните прошетки во костими за капење …
Време е да се ослободиме од дебелата облека, како и од сето наталожено сало, и да заблескаме во нова летна гардероба!
Наталожените масни наслаги треба што побргу да се отстранат бидејќи што подолго стојат толку е потешко да се ослободиме од нив. Ова е одлична диета за справување со овој проблем. Диетата е наменета за симнување на неколку килограми и подобрување на општата здравствена и физичка состојба. За седум дена можете да се ослободите од 5 килограми и да си го поминете летото многу убаво и лесно!
Летно време сите имаме тенденција да јадеме полесна храна со повеќе овошје и зеленчук и да пиеме повеќе течности, така што спроведувањето на оваа диета ќе ни дојде како природен премин кон летната исхрана без поголеми одрекувања и лишувања од храна. Овошјето и зеленчукот се полни со витамини и минерали, и пред се антиоксиданси кои го забавуваат стареењето, штитат од рак и мозочен удар, го подобруваат крвниот притисок и го штитат срцето. Имаат многу малку калории во споредба со другата храна, така што се неизбежен дел на секој план за здрава исхрана и диета за слабеење.
План за исхрана
Наутро по будење: чаша топол растителен чај
Појадок: во една чаша кисело млеко или јогурт ставете десетина исечкани јагоди, неколку листови свежо нане и една супена лажица сечкани или мелени ореви, бадеми и лешници. Можете да се напиете чаша растителен чај.
Ужина: чаша свежо исцеден сок од портокал и лимон (пола – пола)
Ручек: салата од јагоди, малини, свежи рендани моркови, боранија, спанаќ, малку растителни зачини, сок од лимон и масло по желба.
Целиот зеленчук да не се користи во еден ден туку да се менува секој ден за да биде исхраната разновидна. Можете да се напиете чаша растителен чај – секако без шеќер!
Ужина (околу 17 часот): омлет од 2 јајца или 50 гр. обарена или печена риба со салата од целер, карфиол, зелена салата, зачинети со малку кисело млеко (една лажица), сок од лимон и ситно сечкани бадеми, чаша сок од лимон или портокал.
Пред спиење: чаша чај од нане.
Диетата е прилично монотона поради едноличното мени, но дава одлични резултати и, ако издржите, за седум дена можете да симнете и до 5 килограми!
Подолго спроведување не се препорачува поради едноличната исхрана и недостатокот на важни хранливи материи.
You must be logged in to post a comment Login