HERMES со ново ремек дело

Како ограничена серија од само шест парчиња, часовникот “Slim d’Hermes Mille Fleurs du Mexique” претставува деликатна уметност на минијатури.

Часовниците се создадени во рамките на работилницата Хермес од страна на високо квалификувани уметници. Вистинско ремек дело е минијатурниот бројчаник кој е изработен од бело злато со механизам Хермес H1950. Крокодилска кожа е искористена за изработка на ремчето, која дополнително го збогатува целокупниот дизајн на часовникот.

“Slim d’Hermes Mille Fleurs du Mexique” со дизајн од бескрајни мали листови и цветови потсетува на таписерии од петнаесеттиот и шеснаесеттиот век.