Еден од најголемите трендови за следната сезона ќе бидат елегантните свилени фустани кои потсетуваат на ноќници.
Овој тренд своите почетоци ги најави уште во 2015 година (сетете се само на малиот црн фустан од „Louis Vuitton“ што го носеа Викторија Бекам и Кејт Мос претходното лето). Следната сезона пак, овој тренд ќе биде еден од главните ако судиме според она што го видовме во колекциите за пролет/лето 2016 на познатите дизајнери. Станува збор за грациозни, нежни и неодоливи модели кои можеме да ги носиме на најразлични начини и кои се совршен избор за летниот период. Кроевите се лежерни, ја следат линијата на телото и имаат лелеав крој во делот на здолништето. Вакви „slip“ фустани претходната сезона носеа Викторија Бекам, Кејт Мос и Никол Ричи во елегантна варијанта и во комбинација со сандали со високи потпетици или со класични салонки. Овие фустани се маст хев за следната пролет, па доколку сакате да бидете во чекор со трендовите, и притоа да бидете во центарот на вниманието, пронајдете го вашиот омилен модел и збогатете ја со вашата летна колекција во плакарите. Погледнете и инспирирајте се од најпознатите дизајнери и бидете подготвени за следната сезона.
You must be logged in to post a comment Login