Депресијата го отежнува откажувањето од цигари

Податоците на француските научници од Универзитетот во Монпелиер сугерираат на тоа дека луѓето кои се во депресија потешко престануваат да пушат.

Според нивните зборови, присутноста на депресија ги отежнува последиците од анксиозност (напнатост), желбата за цигари и пореметувањето на сонот, вообичаени појави кај луѓе кои се обидуваат да престанат да пушат.

Пушењето е двојно повеќе застапено кај луѓето со депресија отколку кај остатокот од популацијата, додаваат истражувачите во стручното списание “Nicotine & Tobacco Research”.

Сепак, податоците кои се собрани во текот на 18 месечното истражување покажуваат дека вежбањето може да го олесни откажувањето од цигари кај лицата со депресија.

Според зборовите на стручњаците, за таквиот учинок била доволна и телесна активност со низок интензитет, на пример прошетка.