Дизајнерите за оваа сезона беа особено инспирирани и креативни, па одвај успеавме да направиме топ листа со девет највпечатливи трендови кои можете да ги носите во ваша верзија на температури над 20 степени.
Подгответе се за префинето цвеќе, раскошни украси, карнери, чипка, голи рамена… Оваа сезона има неколку лица, а од вас зависи кое ќе го изберете за себеси.
1. Раскошни украси
Видени се на ревиите на: Burberry, Miu Miu, Prada, Marc Jacobs, Louis Vuitton…
Како да ги комбинирате: Дозволете декадентните украси да бидат главниот детаљ на вашиот изглед, било да се работи за пердуви на маиците, нитни и ланци на панталоните, светки и ситни кристали на фустаните или PVC крагна со везени детали на кошулите.
2. Боемска рапсодија
Видена е на ревиите на:Anna Sui, Topshop Unique, Chanel, Jonathan Saunders, Gucci…
Како да ја носите: Романтичните, gipsy фустани во стилот на 70-те со шешир, пердуви и црвени дезени повторно се во мода, давајќи ни прилика ова лето да бидеме ретро.
3. Pink дами
Видена е на ревиите на: Burberry, Prada, Stella McCartney, Victoria Beckham, Giles, Antonio Berrardi…
Како да ја комбинирате: Најдобро е ако ја носите во вид на едно ефектно парче: фустан, широка туника или тенка јакна.
4. Рок-манија
Видена е на ревиите на: Saint Laurent, Louis Vuitton, Dior, Moschino, Alexander McQueen, Alexander Wang…
Како да ја носите: Комбинирајте едно парче кое е потполно во гранџерски стил од 90-те со забавно металик парче и ќе бидете во тренд, а ако се сомневате додадете и малку кожа и црна боја.
5. Фустан што вели: „Погледни ме“
Видени се на ревиите на: Chanel, Prada, Marc Jacobs, House of Holland…
Како да ги носите: Овој тренд е многу едноставен. Одберете еден фантастичен фустан и носете го со одлучен став и високи потпетици. Finito.
You must be logged in to post a comment Login