Познато е дека претераното консумирање на шеќер може да предизвика одредени здравствени проблеми, но и да ѝ наштети на витката линија, меѓутоа најновата студија покажува дека оваа намирница има неповолно влијание на менталните функции.
Ја зголемува желбата за нездрава храна
Шеќерот делува на човечкиот мозок така што ја поттикнува желбата за консумирање на нездрава храна, особено слатки. И тоа создава еден маѓепсан круг. Тој може да се прекине само со дисциплина и одговорен пристап за здравјето и здравата исхрана.
Влијае на краткорочното памтење
Истражувањето покажало дека луѓето кои редовно внесуваат зголемена количина шеќер на тестовите за памтење имаат значително полоши резултати. Деталните истражувања упатуваат на тоа дека ако интензивно внесувате поголема количина на слатки во прериод од една недела, тоа негативно ќе влијае на мозокот и памтењето.
Ефект на долготрајно памтење
Најновите амерички истражувања покажале дека консумацијата на прекумерната количина на шеќер, било да е во чист облик или во вид на најразлични слатки, може да доведе до инсулинска резистенција во мозокот. Тоа резултира со т.н. неуродегенрации кака Алцхајмерова болест, која во бројните студии повеќе пати е предизвикана од начинот на исхрана.
You must be logged in to post a comment Login