Кога повеќето од другарките се бремени во исто време, тие полесно минуваат низ периодот на мајчинство, а ако меѓу нив е жена која претходно нема родено и никогаш претходно не ни размислувала за потомство, голема е веројатноста дека во скоро време ќе почне да размислува да роди дете.
Мајчинството е заразно, тврдат научниците од италијанскиот универзитет Бокони кои откриле дека пријателките имаат големо влијание и ја поттикнуваат желбата за бебе меѓу оние кои никогаш не родиле.
Така, оние кои не ни размислувале за дете одеднаш може да го сменат мислењето веднаш откако нивната најдобра пријателка ќе се породи, покажала студијата спроведена на повеќе од 1700 жени во период од 17-та до 30-та година. Тој ефект е најизразен кај жените по завршувањето на средно образование. А максимумот го достигнуваат две години подоцна, а потоа со текот на времето се повеќе се намалува, изјавуваат научниците.
Одлуките за планирање на потомство не се јавуваат само под влијание на сопствените карактеристики и желби, но се предизвикани и од опкружувањето во кое жената се наоѓа. Ова тврдење не е ни малку чудно или невообичаено, бидејќи познато е дека пријателите имаат влијание и на други однесувања како што се пушењето, опивањето, вежбањето и дружењето.
Освен тоа, другарките се извор на знаење кога е мајчинството во прашање, а взаемното искуство може да го намали стресот повеќекратно.
You must be logged in to post a comment Login