Циметот долго време се користел во кинеската медицина, првенствено како лек против треска и проблеми со варењето. Овој зачин кој содржи калциум, целулоза, железо и манган, навикнати сме да го користиме како додаток на кафе, колачи па се до разни чоколадни десерти, притоа заборавајки дека е повеќе од било каков зачин.
Балзам за полни усни
За да имате сензуални, полни усни не е потребно да посетите хирург за пластични операции. Доволно е да ги премачката усните со вазелин и да додадете малку цимет на горната усна. Трите ги усните неколку секунди и оставете усните да ја впијат смесата. Водете сметка да не ставате сув цимет дирекно на кожа, бидејки може да предизвика воспалување и иритација на кожата. Потоа премачкајте ги уште еднаш усните со вазелин и ќе ја видите промената.
Маска за лице
Во мал сад ставете три лажици мед со една лажица цимет. Измешајте ја смесата додека не стане компактна и полека премачкајте го лицето со неа. Циметот ќе го неутрализира создавањето на акни, додека медот ќе го изчисти површинскиот слој и ќе ја направи вашата кожа мека. Оставете ја маската да отстои 10 минути, па потоа измијте го лицето.
Маска за растење на косата
Опаѓањето на косата може да биде прилично стресно, затоа е добро превентивно да користите креми и маски кои ќе ја направат вашата коса погуста и поцврста. Оваа маска е слична на претходната, со тоа што две лажици цимет се мешаат со пола шоља маслиново масло и едно јајце. Маската се става на коса и се држи 15 минути. Измијте ја потоа со шампон.
За неутрализирање на непријатниот мирис од устата
Непријатен мирис се шири од вашата уста? Испијте вода со малку цимет.
Пилинг за тело
За да ја регенерирате вашата кожа, за да го повратите нејзиниот сјај и мекост, набавите некој пилинг за тело кој покрај морска сол содржи бадемово масло, мед и некое количество на цимет.
You must be logged in to post a comment Login