Црно-белата комбинација и тоа како ќе биде присутна во сезоната пред нас, а ние Ви ги претставуваме највпечатливите комбинации од актуелната модна недела во Париз.
Црната, белата и нивните комбинации дефинитивно нема да се симнат од тронот ни во престојната сезона, а печат на таквата одлука стави Paris Fashion Week!
Црната, која е присутна секаде, од шапките до чевлите, како и белата, почнувајќи од снежната, па сѐ до нијансата на слонова коска, повторно се кралици со сите свои варијации. Иако многумина не ги нарекуваат бои, тие сѐ уште се водечка инспирација за светските дизајнери. Погледнете ги 50-те најуспешни комбинации.
Многу колекции за следната сезона се богати со бои, но црната и белата доминираат на овогодинешната ревија „ready to wear“ во Париз, како потсетник дека не е уште сѐ кажано за овие две бои.
Од строга елеганција и крути материјали, преку кожа и вештачка кожа, црната и белата нудат неограничени можности. Водечка улога имаат „провидните моменти“. Под елегантната и мистична црна се повеќе ѕирка кожа, со или без долна облека. Има многу чипка, тил, свила и други останати тенки и лелеави материјали, задолжени за будење на фантазијата.
You must be logged in to post a comment Login