Нашата најголема слабост: Чизмите до колена

Не би рекле дека се враќаат, бидејќи тие секогаш биле актуелни, но чизмите со должина до или над коленото ни се голема слабост. Едноставни и без премногу детали, чизмите за оваа есен се едноставно прекрасни и секој од нас би сакал да се здобие со барем еден таков пар.

Чизмите кои го покриваат коленото се нудат во различни бои, модели и со интересни апликации и украси. Слични модели беа модерни во 80-тите години, но тогаш се носеа со кратки панталони, а сега девојките од модните блогови ги комбинираат со кожени здолништа, џемпери и наметки.

Карактеристиката на овие модели е меката кожа, која е припиена за нозете. Затоа чизмите над коленото се препорачуваат за послабите жени. Комбинацијата на чизми до или над колената со краток фустан или здолниште ни се допаѓа исклучително многу.