Ленот е растение богато со омега 3 масни киселини, растителни влакна и силни антиоксиданти, што го прави многу корисно за нашето здравје, но и за нашата кожа и коса.
Маслото од ленено семе е богато со алфа линоленска киселина, која има многу корисен ефект врз здравјето на кожата и косата и има особено добар ефект во обновувањето на сувата и оштетена коса, делува против опаѓање на косата, како и во отстранувањето на сувата кожа од скалпот и првутот.
Исто така, лененото масло многу подобро се апсорбира во самата коса отколку повеќето други масла, што го прави многу поефикасно.
Можете да користите само со триење на косата и кожата на скалпот и да го оставите да стои. Но, можете да подготвите и маска за третман на коса.
Еве како да подготвите маска од ленено масло
- Две лажици ленено масло
- Две лажици кафеав шеќер
- Две лажици сок од лимон
- Малку млака вода
Измешајте ги сите состојки за да добиете конзистентна мешавина (не премногу ретка) и нанесете ја на косата и скалпот. Оставете да отстои околу половина час, а потоа исплакнете.
Се препорачува маската да ја повторите двапати неделно.
You must be logged in to post a comment Login