• Сподели на:

Како против сувата кожа на рацете

___

Пристигна пролетта. Ги извадивме ракавиците, а испуканите заноктици и сувата кожа на рацете излегоа на виделина. Што треба да правиме?

 

За почеток пијте повеќе течности, но не газирани и купечки сокови, туку цедени сокови од овошје или зеленчук, чаеви, вода.

 

Потоа, мудро изберете го сапунот. Тоа што ви е кожата на рацете сува, не значи дека треба поретко да ги миете, туку да внимавате со што ги миете.

 

Се препорачуваат бели сапуни, поблаги и помасни или некој од оние кои во себе содржат различни масла. Доколку користите течен сапун, исплакнете го добро.

 

Немојте да се вадите на домашните обврски – кога ги миете садовите, користете гумени ракавици.

 

Ако не сте знаеле, мешањето на квасно тесто е добра терапија за суви, испукани раце. Комбинацијата од брашно, вода, маст и квасец е всушност своевидна маска за кожата на рацете.

 

И маслото е добро. Загрејте маслиново масло до температура која вам ви одговара. Ставете го во некој сад, каде што можете да ги потопите дланките. Држете ги така неколку минути. Измијте ги со млака вода и благ сапун.

 

Наместо да ги сечете, обликувајте ги ноктите со картонска турпија. Помека е од металната, која го уништува кератинот.

 

Обликувајте ги ноктите, следејќи го обликот на прстот во една насока. Избегнувајте агресивни движења во двете насоки.

 

Дури и кога не содржат ацетон, средствата за отстранување на лакот, ги сушат ноктите и заноктиците. Поради тоа, по отстранување на лакот, добро измијте ги рацете.

 

Масажата на дланките ја поттикнува циркулацијата и го покренува производството на кератин во келиите. При тоа користете хидратантна крема или масло.

 

Лакирајте ги ноктите со лакови кои содржат силициум, дури и кога користите проѕирен лак. Барем еднаш во седум дена, одете на спиење со ракавици. Претходно намачкајте ги рацете со крема која вам ви одговара, а потоа ставете лесни, памучни ракавици.


Оставете коментар

___