• Сподели на:

Како да ги сокриете акните

___

Мислите дека акните на можат да се скријат? Тоа значи дека не верувате многу во моќта на шминката. Погледнете го ова, и ќе се уверите дека и покрај многубројните акни, со шминка можете да имате совршено лице.

Aкните најчесто се јавуваат кај младите, но и повозрасните не се поштедени од нив, а причини за тоа, освен генетиката се и многу други фактори, како исхраната, стресот, козметичките препарати, алергија на некоја храна или козметички производ и друго. Без оглед на причината за нивната појава, тие бараат соодветен третман и лекување, а тоа пак бара време. Во меѓувреме, додека успеете да се изборите со акните, за да изгледате убаво, научете неколку потези, кои треба да ви претставуваат рутина, а со кои успешно ќе ги прикриете акните и ќе изгледате како да имате порцелански тен.

Следново видео ќе ви помогне многу во тој правец:

Уште неколку совети:

 

  1. Пред да почнете да се шминкате, лицето исчистете го со топла вода за да се отворат порите. Потоа нанесете средство за чистење на лицето. Со кружни покрети на прстите лесно масирајте го лицето околу 1 минута, а потоа повторно измијте го со вода. На крајот два три пати исплакнете го лицето со студена вода за порите да се затворат.

 

  1. Нанесете тоник за чистење на лицето и тоа оној кој нема алкохол.

 

  1. Сега е време за хидратантен крем. Изберете крем без масло, и ставајте го во тенок слој со лесни покрети и масажа.

 

  1. На акните нанесете коректор и подлога. Запомнете дека четчињата се најдобри за нанесување на подлога на лицето со акни.
  2. Внимавајте во изборот на бојата на руменилото, зошто тоа може дополнително да ги истакне акните .

 

  1. Нашминкајте ги убаво очите. На тој начин погледот од акните го пренасочувате кон очите.

 

  1. Често менувајте го пешкирот, и чистете ги четките за шминка, зошто тие можат да бидат причинители за нови акни. Менувајте ја почесто и постелнината.

 

  1. Избирајте козметички производи кои немаат масло, алкохол и други состојки кои ја иритираат кожата.

Оставете коментар

___