По последното издание на Concourse d’Elegance Pebble Beach, на кое учествуваат сите познати светски луксузни брендови, Land Rover North America го претстави својот нов модел…
Станува збор за ексклузивно издание на Range Rover SV Edition Carmel, кој ќе биде произведен во само 17 примероци, со почетна цена од 345.000 долари. Овој нов модел доби специфични акценти во неговата патничка кабина, кои се токму она што привлекува најмногу внимание и ја буди љубовта што ја чувствуваме кон овој бренд.
Генерално, дизајнот на овој модел на Range Rover е првенствено инспириран од брегот Кармел на полуостровот Калифорнија. Дизајниран од тимот на SV Bespoke, надворешноста доби прекрасни бронзени детали, кои создаваат идеален контраст со сината “Liberty Blue”, која можеме да ја видиме на предните седишта, карактеризирана со удобен и безбеден дизајн кој отсекогаш бил белег на познатиот бренд.
Кога станува збор за погонската група, овој Range Rover крие V8 мотор со 523 коњски сили, кој доаѓа како дел од стандардната понуда и не е нешто на што љубителите на автомобилската марка веќе не се навикнати. Автомобилите на Range Rover отсекогаш се карактеризирале со сирова моќ и префинета убавина.
Дефиницијата за префинетост на овој модел е претставена со вниманието посветено и на најмалите детали, било да е тоа внатрешноста или надворешноста на автомобилот.
Тркалата од 23 инчи добија „темно сива“ завршница со брилијантен сјај, кој особено е нагласен со бронзени детали, додека во внатрешноста се забележуваат најновите технологии на брендот Land Rover.
Клиентите кои би сакале да го купат овој модел ќе добијат и членарина во ексклузивниот голф клуб – Range Rover House. Проткаен со луксуз и декаденција, новиот автомобил Range Rover веќе стекна огромен број фанови ширум светот, кои практично се тркаат да го добијат нивното специјално издание.
