Големиот избор на горивa на бензинските пумпи може да ги доведе возачите до дилемата „Зошто бензинот oд 98 октани е поскап од бензинот од 95?“, И „Дали во таква ситуација е најдобро да се избере “стотка” ?
Октанскиот број (RON – engl. Research Octane Number) ја означува октанската вредност на горивото и неговата способност да поднесе „детонација“.
Колку е поголем овој број, толку е постабилно горивото кога моторот е изложен на големи напори, како што е случајот со моќните спортски мотори со високи перформанси. Сепак, се поставува прашањето дали горивата со високи октани тогаш, можат да го оштетат обичниот мал ефтин мотор?
Повеќето денешни современи мотори имаат електронски систем за вбризгување на гориво, а најверојатно и систем што детектира несакани детонации и автоматски започнува завлекување на моторот.
Современите мотори се многу поефикасни и помоќни и функционираат на таков начин што секогаш се обидуваат да го најдат најдобриот можен однос на раниот момент на палење, без да предизвикаат несакана детонација.
Со употреба на горивото на поголема октанска вредност, моторот може да добие дополнителна помош при поефикасно работење, но не мора секогаш да биде така.
Во зависност од автомобилот и моторот, бензинот од 98 или 100 октани може да ги подобри перформансите и да „додаде“ малку повеќе моќ на моторот во однос на „95“. Меѓутоа, ако возите постар автомобил, чиј мотор не е „навикнат“ на поголем број октани, нема да има корист.
Затоа, секој мотор има препорачани минимални октански вредности на гориво, кое може да ги користи.Горивото под овие вредности никогаш не треба да се користи, додека повисоките вредности дополнително можат да го „помогнат“ моторот.
Наједноставно може да се провери кога наместо „95“ ставите „98“ и сами го проверите во пракса. Во тој случај, внимавајте на однесувањето, т.е. перформансите, на моторот и автомобилот во однос на вашите навики, стил и начин на возење, со едното и другото гориво во резервоарот.
Разликите, пред сè, ќе се рефлектираат во односот помеѓу перформансите на возењето и парите потрошени на гориво, така што може да ви се случи автомобилот да оди многу подобро, но и да расте потрошувачката. Обратната варијанта е исто така можна, така што потрошувачката на гориво со повеќе октани може да е дури и малку пониска за иста, или поголема километража.
Сепак, многу зависи од староста и состојбата на моторот и на целиот автомобил, како и од начинот на возење. И додека високооктанското гориво може значително да ги подобри перформансите на возењето на еден автомобил, кај некој друг можеби не би имал баш никаков ефект.
