Ова беше тешка година на професионален план за португалската фудбалска суперѕвезда Кристијано Роналдо.
Тој го напушти Манчестер Јунајтед пред речиси два месеци и исто така не успеа да го исполни својот детски сон да го освои Светското првенство за својата земја. Светското првенство во 2022 година не беше нешто што вреди да се памети за Кристијано Роналдо, но празничниот ден Божиќ секако уште долго ќе му остане во сеќавање, бидејќи неговата партнерка Џеорџина Родригез за свечената пригода му подари нов автомобил ROLLS ROYCE DAWN.
Роналдо на социјалните мрежи сподели фотографија од својот нов луксузен автомобил ден по Божиќ со натпис: „Ти благодарам љубов моја“. Џорџина објави и видео на Инстаграм и го сподели магичниот момент кога фудбалската ѕвезда се изненади со нов автомобил.
Британскиот луксузен автомобил кабриолет со двобојна бела и сребрена надворешност и бел тапацир може да се види обвиткан во црвена лента и машна на хаубата. Роналдо веднаш влезе во автомобилот со сопругата и децата.Видеото завршува така што децата ги добиваат своите подароци, а тоа се велосипеди за помладите и симулатор за трки за постарите.
Не е првпат Џорџина да му подари автомобил на португалскиот напаѓач. Претходно оваа година, таа му подари Cadillac Escalade ESV за неговиот 37-ми роденден, а претходно на фудбалската ѕвезда и подари црн Mercedes-AMG G 63 Brabus за неговиот 35-ти роденден во 2020 година.
