Ледениот Финец, Кими Раиконен, ги освои срцата на многу љубители на Формула 1, како со својата непосредност, така и со маестрално возење, благодарение на што во 2007 година стана шампион на „најбрзиот циркус на светот“.
Раиконен го покажа својот неверојатен возен талент како момче и од десетгодишна возраст беше успешен во неколку европски натпреварувања, од картинг до шампионатот во Формула Renault.
Веќе во 2001 година, на 22 години, тој стана возач на Sauber и така ја започна својата кариера во Формула 1. Првата победа ја чекаше до 2003 година кога возеше за McLaren Mercedes, а четири години подоцна го напиша своето име со златна боја во историјата на Формула 1 станувајќи шампион со Ferrari.
Интригантно, интересно и „ледено“ додека возеше, Кими привлече големо внимание во текот на кариерата, а еден од шокантните моменти беше кога го откри својот прв автомобил, оној на кој научил да вози.
Очекувајќи дека тоа е барем e некоj брз и пргав автомобил,новинарот на CNN се шокираше кога го слушна одговорот на Кими.
- Имав руска Lada,ja добив од пријател, го сменивме моторот, тој беше идеален за нас, слободен и многу робустен автомобил. Беше црвено, но го обоивме црно. Никогаш немаше дефекти- изјави легендарниот Финец во интервју за CNN.
Странските медиуми објавија дека станува збор за Lada 2101 (ВАЗ-2101), која Кими очигледно не ја заборава и за неа зборува со многу емоции и суперлативи и покрај тоа што сега има моќни машини како Rolls-Royce,Wraith Black Badge, Ferrari Enzo, Ferrari F12 i Ferrari 488 Pista.
